Sælt veri fólkið. Nú hef ég fengið ávörpin/minningarbrotin frá Tomma og Tjúmmu sem þau fluttu svo skemmtilega á ættarmótinu á Hvammstanga. Ég vona að mér takist að krækja í fleira í þessum dúr á næstunni því þetta eru dýrmætar minningar sem við þurfum að varðveita fyrir okkur öll. Bestu kveðjur til allra frá Lárusi Sighvatssyni.

 Þá hef ég komið inn töluvert af nýjum myndum frá ættarmótinu á Hvammstanga. Svo er rétt að kynna hér á síðunni næstu nefnd sem skipuð er einvalaliði eða þeim Katrínu Tómasdóttur, Lárusi Halldórssyni, Karli Tómassyni, Guðbjörgu Magnúsdóttur og Halldóri Stefánssyni. Ég óska þeim alls hins besta við undirbúning að næsta móti. LS

Kæra frændfólk og makar. Þá er lokið þessum leik og vil ég þakka öllum sem þátt tóku kærlega fyrir samveruna. Sérstaklega þakka ég þeim sem voru með mér í nefndinni fyrir alla góðu samverustundirnar við undirbúninginn svo og öllum þeim sem aðstoðuðu okkur á einn eða annan hátt við að gera þetta sem best úr garði. Ég mun fljótlega setja hér inn fullt af myndum og einnig verða birtir hér vísubotnar og eitthvað fleira frá mótinu. Svo óska ég næstu nefnd alls hins besta við undirbúning fyrir næsta mót. Bestu kveðjur. Lárus Sighvatsson

Kæra frændfólk og makar. Þá er að bresta á með ættarmóti. Nefndin hefur gert sitt besta til þess að þetta verði eins og best verður á kosið. Veðurútlit er gott en rétt er að minna alla á að hafa með sér hlý föt til að vera við öllu búin. Í gærkvöldi átti söngfélagið skemmtilega stund í kjallaranum á Brúarlandi. Það var skemmtileg tilfinning að koma þar saman og upplifa smá Brúarlandsstemmningu. Svo óska ég öllum sem mæta góðrar ferðar og þess að við eigum skemmtileg ættarmót. Sjáumst hress og kát. Lárus Sighvatsson.

Var að bæta inn tengli á síður sem er í umsjá Örnu Steinarsdóttur. Kíkið á hann. Nú styttist óðum í ættarmótið og allt orðið klárt. Muna bara eftir að senda inn greiðslurnar þeir sem eiga eftir að gera það. Sjáumst svo bara hress og kát á Hvammstanga.

Gott frændfólk.

Þá líður senn að ættarmótinu okkar. Mæting verður góð og verður gaman að hitta ykkur öll. Minni á að þið drífið í að senda greiðslu inn á reikning mótsins. Staðarhaldarinn okkar á Hvammstanga er alveg frábær og reddar öllu sem við biðjum um. Svo nú er bara að vona að veðurguðirnir verði okkur hliðhollir. Það er mikið um að vera á Hvammstanga þessa helgi svo að engum á að leiðasta eina einustu mínútum og svo erum við jú öll alveg einstök. Bendi að lokum á að nýja heimasíðan hjá Bildu og Baldvin er komin í loftið.

Bestu kveðjur, Lárus Sighvatsson.

Sælt veri fólkið.

Nefndin hittist í gær hjá Ágústi Tómassyni og fór yfir málin. Það stefnir í frábæra mætingu og erum við þegar með tæplega 150 skráða þátttakendur. Við munum nú senda frá okkur innheimtutilkynningar og biðjum ykkur að bregðast vel við. Við ákváðum að hafa smá mótsgjald til að mæta ýmsum kostnaði sem óhjákvæmilega hlýst af svona umstangi. Nú styttist í þetta mót okkar og við erum viss um að það verður bara gaman. Ég hef nú komið upp dálaglegu myndasafni og vil ég þakka þeim sem veittu mér aðstoð við það. Nú síðast sendi Bilda mér skemmtilegar myndir sem ég var að skella inn. Ef þið eigið myndir sem þið viljið senda mér þá endilega gerið það og þá í jpg. formi. Látið svo í ykkur heyra ef þið hafið einhverjar uppástungur varðandi þetta ættarmót okkar og þeir sem enn eru eitthvað að velkjast í vafa um hvort þeir mæti þá er bara að drífa sig og ská sig hjá Huldu eða Sólu. Þetta verður rosalega gaman. Sjáumst hress og kát. Ritstjórinn.

Gott fólk. Nú getum við farið að telja niður því eftir rúmar sjö vikur hefst fjörið á Hvammstanga. Við í nefndinni höfum nú fengið staðfesta þáttöku frá Möggu, Bongu, Didda og Tomma leggjum. Hinir verða að fara að drífa sig með þáttökufjöldann. Við reiknum með að verða milli 120 og 130. Það er margt hægt að gera á Hvammstanga og nágrenni. Þeir sem ekki hafa ekið fyrir Vatnsnesið ættu að skoða þann möguleika því þar eru fallegir staðir til að skoða s.s. í Hindisvík (sellátur) og Hvítserkur. Á þeirri leið er líka ekið framhjá bænum Stöpum en þar liggja rætur okkar að hluta til. Látið svo ykkar hugmyndir í ljós hér um hvað sem er varðandi ættarmótið. Enn er ég að skanna myndir og bæta á myndasíðuna svo vonandi tekst mér að koma inn myndum af sem flestum úr þessum frábæra hópi.

Ekki fleira í bili en kórfólk ætti að fara að hita upp raddirnar.

Kær kveðja til ykkar allra.

Ritstjórinn.

Sæl öll og takk fyrir góðar undirtektir við síðunni. Ég komst í feitt hjá Bíbí og er að skanna inn gamlar góðar myndir sem ég vona að þið hafið gaman af. Ef þið lumið á skemmtilegum myndum þá endilega komið þeim til mín á einhvern hátt svo ég geti bætt við. Ég tek undir með Kalla, endilega látið í ykkur heyra hér með hvað sem er. Bestu kveðjur. Lárus Sighvatsson

Þá erum við komin á fullt með vinnslu heimasíðunnar með dyggri aðstoð Egils. Allar ábendingar um efnistök eru vel þegnar og má koma þeim til mín á póstfangið larus@toska.is Vonandi verður þetta okkur öllum til ánægju.

Bestu kveðjur. Lárus Sighvatsson.